Liburn Aliu ka dhënë dorëheqje nga posti i Ministrit të Mjedisit, Planifikimit Hapësinor dhe Infrastrukturës.

Lajmin e ka bërë të ditur vetë ai përmes një njoftimi publik, ku konfirmoi se dorëheqjen ia ka dorëzuar Kryeministrit Albin Kurti.

Shkak për dorëheqjen, Aliu ka përmendur zgjedhjen e Dimal Bashës në pozitën e Kryetarit të Kuvendit të Republikës së Kosovës, e cila ndodhi një ditë më parë.

“Dorëheqja ime vjen pas zgjedhjes së djeshme të kryetarit te Kuvendit të Republikës së Kosovës. Dje, pas votimit te kryetarit të Kuvendit, e kam njoftuar Kryeministrin Kurti për vendimin tim.Konsideroj që zgjedhja e djeshme e Kryetarit të Kuvendit, institucionit më të lartë, ku vendosen ligjet dhe jep llogari qeveria, nuk është në frymën e në lartësinë e atij ideali për Republikën që ka qenë dhe mbetet arsye angazhimi për mua”, tha ai./Arbresh.info